خواطر فيس بوكية

1-لو منعنا الصغيرين عن حجات معينىة هيبقوا زي اللى اتربوا جوا حضانات لحد سن كبير اول ما هيطلعوا للجو الملوث فهيعيوا اكتر من غيرهم واولاد الفلاحين اهلنا المرمين في الطين طول النهار مبيعيوش خالص عشان عندهم مناعة ، المطلوب تكوين مناعة عند الصغيرين بالتربية ونسيبهم ينطلقوا يقروا كل حاجة وهو هيقدر يحكم ايه اللى صح وايه اللى غلط بمرور الوقت ومفيش مانع نناقشه فيها ونعدله بعض التفكير ونجاوب على الاسئبة على قدر سنه ، نديله ميكروب صغير على قد المناعة ، لاننا لو حبسنا الصغيرين عن حاجة معينة هيبقوا عيزين يعرفوها اكتر ، المنع مش حل بس العطاء الموزون الثقة المفتحة اللى مش عمياء هي الحل، مثلا لو بطلة القصة سابت جوزها عشان واحد بيضحك عليها ، ايه رأيك يا حبيبتى ، دي حاجة صح ، هي مثلا تقول وماله، تقوليلها بس مش اطفالها هيزعلوا وهيعيطوا ولا ايه ؟ كدة يعنى ، طبعا مطلوب مراعاة سن الكتب برده للفترات العمرية الصغيرة بعد 18 سنة هخلي عيالي يقروا اللى عايزينه كله ويحبوه

2-انا الصراحة بحب الكتب اللى بتتكلم عن مشاعر المرأة بس قليلة قوي كمان الاقل اللى بيجيب المشاعر دي صح ، عادة الكتاب الاجانب هم اللى بيتكلماوا عن نفسية المرأة احسن من الكتاب العرب، مش عارفة ليه الكتاب العرب يا اما بيبقى في سخرية او تقليل من الشان او اتهامات او سطحية موضوع تفاحة ادم دا معشش جوا كل الكتاب ان المرأة هي سبب البلاوي كلها ، افضل رواية قريتها عن احاسيس المرأة كانت كاتب اسباني خوان خوسيه مياس رواية هكذا تكون الوحدة ، اد ايه قدر يعبر عن احزان السيدة وافراحها وان ازاى زوجها بقى يعاملها وحش ، فطلبت الطلاق بكل شجاعة وبدأت حياة جديدة انا حسيت ان بطلة القصة قريبة منى قوي فإنى ارفض الاهانة لانى فقط امرأة 

3-وإذا وجدت الحب الذي يقوي نفسي فسأتبعه، وإن لم أجده ، سأكون لنفسي كما أرادت، ولن أتخلى عنها أبدًا مهما كانت الضغوط..... فكوني نفسكِ 

4-لماذا لا يوجد تحرش في دول العالم المتقدم؟ لانه يوجد قانون يمنع التحرش

قد يتسائل البعض كيف يتصف العالم المتقدم بالتحرر مع ذلك لايوجد به ظاهرة تحرش؟لان القانون ينص على حرية الانسان في حياته العاطفية اذا كان ذلك بإرادته لكن لا يسمح بأي تصرف على غير ارادة المرأة ويعاقب المرتكب لذلك الفعل ، اى انه اذا تم التحرش بفتاة ليل في الطريق العام وايذائها باللفظ او الفعل يتم معاقبة المرتكب لذلك الفعل مادام ذلك بغير رغبتها،- ملحوظة القانون يطبق على المتحرش مهما كانت فتاة الليل ترتدي من ملابس ،وهذه ليست دعوة لتشجيع على التحرر الغربي لكن نظرة الى ان ملابس الفتاة واخلاقها لا تكون ابدا هي المشكلة في التحرش ، بل المشكلة في القانون الذي ينظم الطريق

5-متكتئبيش لما خلتك تقابلك في فرح بنتها وتسألك: مش هنفح بيكي بقى ؟ مفيش جديد؟ رفضنى العريس الاخراني ليه ؟ دي البت توتا اللى اصغر منك اتجوزت ،و فكري هل خالتك نفسها سعيدة في حياتها ، الاجابة طبعا هتبقى لا ، خلاص متزعليش نفسك قوي كدة ، 

ومتكتئبيش

6 متكتئبيش قوي لما صحبتك ترتبط، وتخدي جمب لوحدك ومتكلميهاش ،لانها لما بتتكلم على تجربتها بتضايقك، صدقينى هي مش احسن منك في حاجة، بالعكس انتى احسن منها لانك لسا عندك فرص كتير وعندك حرية هتتسحب من تحت رجليها هي بالتدريج، متكتئبيش

7-لا تتزوجي الا توأم روحك ،وهو من يشاركك في بعض من اهتماماتك او جزأ كبير منها ، صدقيني موجود بس احنا بس اللى بنستعجل وبنسيب توأم روحنا ومبنستنهوش وبنتجوز اول واحد يجي عنده شقة ، 
عارفة ليه انا متأكدة انه موجود؟
لأن كل الارواح اللى على الارض ليها توأم ، توأم يعنى حد زيك قوي بس النسخة الرجالي:)
لو بتحبي الرسم يبقى هو بيحب يتفرج على اللوحات، لو بتحبي القرايا يبقى هو بيحبك تحكيله حواديت ، ودا مش في
الروايات والله دا حقيقي دوري بس وهتلاقي